又黎開新班. 呢次係工聯會麪包實習班既最後一班, 換言之, 上完之後就無LU... 唔經唔覺, 已經上到第六個課程, 但係點解好似仲係好多野都唔識咁既??

第一堂已經係好忙碌, 因為要搓兩個包. 其實我覺得只有和風紅豆係日式包, 因只有呢個包有加cream 同奶去整.

相入面呢幾個包, 其實唔係我架... 因為有同學點錯相, 將我D包包灑晒黑白芝麻, 即係相入面矇晒嗰D, 我覺得佢地好醜樣呀, 所以借咗同學仔既包黎影.

話時話, 嗰幾粒染色車厘子好難食, 個個同學仔都唔肯放佢入口. 但無咗佢的話又唔和風喎... 唯有影完相就搣走佢啦!

另一個係甘筍包. 用咗七穀粉搓. 其實係鬼佬包... 不過好啱我胃口喎!!