今日既芝士煙肉包勁好味, 不過一知道舅母會送艾草糕俾我地之後, 我立即將所有包送晒俾人, 因為好野一定要俾人分享, 包括我整既包, 同舅母整既艾草糕.

仲有一個甜包係奶露包. 其實我唔係好知乜野叫奶露, 當然啦, 我唔食奶架嘛, 連有奶字既野我都好抗拒(包括維他奶同椰奶, 雖然其實兩樣都唔係奶). 多謝愛麗絲既小朋友幫我試味, 愛麗絲話佢地去完我屋企攞包後搭笠走, 部笠都未去到地下個包已經落晒肚. 哈哈, 個包又真係細個得滯既....

人人都响包面畫花, 我就好型咁唧咗好多刺上去... 搞到佢成隻刺猬咁, 勁好笑!!