今日約咗二表哥一家去飲茶, 二表哥好錫我地, 成日買絕版 pingu 公仔精品俾三表妹, 又教我好多影相知識, 舅母又好客氣, 次次二表哥黎親都會整大量茶粿俾我地, 有時又會响菜田收割自己種既有機正菜俾我地. 所以今次決定禮尚往來, 整番我唯一拿手既包包俾佢地.

二表哥話屋企人唔鍾意食甜, 所以左諗右諗之下決定整一個平淡得黎有特色, 又有D睇頭既包.

包身係軟包, 加咗紅蘿蔔絲去搓. 一路搓, 紅蘿蔔一路出水, 令個包包變左黃色, 而且極濕, 好難成形, 所以不停入粉, 搓到身水身汗, 比平時用多咗一倍時間先可以發酵.

搓好包之後, 就加入紹香園合桃... 其實都唔知係咪算靚貨, 不過勝在唔駛自己焗, 佢又話係野生, 可能好D卦. 不過就咁食都幾好味.

今次一共整咗五個, 全部送晒俾二表哥一家. 我自己都無試味架, 希望無打爛招牌啦. 不過我見表姪仔食得幾津津有味, 應該都OK 既 (雖然佢得一歲半, 照計未識分好食定唔好食, 呵呵!!)