今堂教既包好好食, 但係我整得好醜怪.

QQ Ball係我最鍾意既小食之一. 至愛係响Panash賣嗰D, 因為味道香但又唔油, 而且煙煙韌韌, 食吓食吓唔覺所以勁出事. 早兩日買咗幾個, 要十元四個. 今堂一整就整咗16個出黎. 不過由於第一次整所以勁樣衰.

我地用卡夫芝士粉整咗芝士味, 同埋天津紅豆整咗紅豆味, 同樣咁好味!

整完呢個咁易整既小食之後, 我地就整咗一個直至目前為止我覺得最繁複既椰絲提子飽.

睇相都唔知係乜...

其實係用甜包底摺成一捲, 响上面加入椰絲提子饀, 然後加一塊拉成網既酥皮, 焗完之後切開一件件. 所以成堂都好忙, 又要搓包, 又要摺酥, 又要磅料.

可惜我塊酥面做得唔靚啦, D 網紋唔係好覺眼, 嘥咗我俾心機界花. 下次要拉開個網先鋪上包面.